Laust starf: verkefnastjóri á skrifstofu SVS

Stofnun Vilhjálms Stefánssonar leitar að nýjum liðsmanni á skrifstofu, en starf verkefnastjóra er laust til umsóknar. Starfshlutfall er 50% og vinnutími getur verið sveigjanlegur. Starfið felur í sér almenn skrifstofustörf, vinnu við bókhaldskerfi, aðstoð við áætlanagerð og fleira sem fylgir starfseminni. Meginverkefni eru: fjármál, rekstur og skrifstofuhald, mannauður, kynningarmál og  upplýsingakerfi.

Helstu verkefni

• Sjá um greiðslu reikninga og frágang ferðareikninga
• Sjá um vefsíðu stofnunar
• Halda utan um styrki, ráðningarsamninga, launalista o.fl.
• Sækja upplýsingar í bókhaldskerfi
• Sjá um bókasafn, kynningarefni o.fl.
• Sjá um innkaup
• Sjá um Græn skref og Grænt bókhald

Menntunar- og hæfnikröfur

• Háskólapróf sem nýtist í starfi.
• Annað sérhæft nám sem nýtist í starfi og haldgóð reynsla af skyldum störfum gæti verið metið í stað háskólaprófs
• Góð almenn tölvukunnátta (m.a. Excel, Word, Outlook)
• Reynsla af bókhaldi
• Reynsla af notkun Oracle fjárhagskerfa ríkisins er kostur
• Mjög góð íslensku- og enskukunnátta
• Nákvæmni og vandvirkni
• Áreiðanleiki, heiðarleiki og sveigjanleiki
• Sjálfstæði, samstarfshæfni og jákvæðni

Frekari upplýsingar um starfið
Starfshlutfall er 50% og vinnutími getur verið sveigjanlegur. Laun samkvæmt stofnanasamningi og gildandi kjarasamningi sem fjármála- og efnahagsráðherra og viðkomandi stéttarfélag hafa gert. Stofnunin hvetur alla sem uppfylla hæfniskröfur til að sækja um laust störf, óháð kyni.
Umsækjandi þarf að geta hafið störf 1. maí 2021. Nánari upplýsingar veitir forstöðumaður stofnunarinnar, Níels Einarsson, í síma 4608981 eða ne@svs.is. Skriflegar umsóknir ásamt prófskírteinum og upplýsingum um nám, fyrri störf og meðmælendur skulu berast stofnuninni í síðasta lagi 13. apríl 2021 á netfangið ne@svs.is. Ekki er um sérstök umsóknareyðublöð að ræða. Öllum umsóknum verður svarað þegar ákvörðun um ráðningu hefur verið tekin.